Домување
Секому му треба освежување одвреме-навреме, па така и на домот, со цел да стане попријатно место за уживање. Прочитајте за неколку буџетски прифатливи идеи.
Бојадисување – Можете да го бојадисате домот сами за еден викенд, со пријатели и воопшто да не ви треба мајстор. Брзо ќе додадете сосема нова боја и димензија на просторот во кој живеете и нема да потрошите многу пари. Во исто време, ако вашата инвестиција е премногу за цел дом или соба, дури и еден ѕид ќе ви помогне да го обновите изгледот на домот.
Мебел за преуредување – Тука имате две опции, поскапи и поевтини. Поскапо е да менувате мебел од кој ви е здосадено или што е застарен. Но и изборот на преоблекување на мебелот е фантастичен, без разлика дали ќе се одлучите за сосема друга боја или шарен принт. Поевтина опција е да додадете украсни перници на гарнитурата што ќе ѝ дадат душа.
Пролетно чистење – Не мора да биде напролет и не мора да значи чистење. Важно е само да го посветите вашето време на вашиот простор. Размислете за ситниците што би можеле да ги промените во вашиот простор – за да си го олесните животот.
