Украинскиот претседател Володимир Зеленски изјави дека постигнал „многу важен договор за обука на украинските пилоти во Франција“ во вчерашниот разговор со францускиот претседател Емануел Макрон.
– Нашата коалиција на модерни борци станува се посилна – рече Зеленски во своето видео обраќање.
Украинскиот лидер не појасни за каков тренинг се работи. Франција ги нема борбените авиони Ф-16 што неодамна и ги ветија на Украина, Данска и Холандија, туку воените авиони Рафал од француско производство и авионите од претходната генерација Мираж 2000. Зеленски рече дека тој и Макрон разговарале и за тоа што Франција може да направи за да го заштити украинскиот град и регионот Одеса, клучни за извозот на жито, но тој не даде детали.
Француското Министерство за надворешни работи минатиот месец соопшти дека ќе ја засили својата воена поддршка за Украина, особено во зајакнувањето на капацитетите за воздушна одбрана.
