Украина изврши еден од најголемите напади со беспилотни летала врз Москва, при што руските единици за ПВО уништија најмалку 10 беспилотни летала што летаа кон главниот град, изјави градоначалникот Сергеј Собјанин.
Некои од беспилотните летала се уништени над градот Подолск, прецизира тој. Градот се наоѓа на околу 38 километри јужно од Кремљ.
– Системите за воздушна одбрана на Министерството за одбрана продолжуваат да одбиваат напади од непријателски беспилотни летала. Ова е еден од најголемите обиди за напади со беспилотни летала врз Москва во историјата. Ние продолжуваме да ја следиме ситуацијата – објави утрово Собјанин на Телеграм.
Тој додаде дека според прелиминарните информации, во нападите нема жртви или материјална штета.
