Киев тврди дека украинските војници напредуваат во сите правци. Володимир Зеленски им нареди на највисоките воени команданти да го зајакнат северниот воен сектор кон Белорусија. Началникот на Генералштабот на американската армија Марк Мили: Украинците прават бавен, но „стабилен“ напредок. Москва повторно се закани дека нема да одобри продолжување на договорот за извоз на жито преку Црното Море. ОН се загрижени бидејќи од 26 јуни не е регистрирано ново полетување на брод според договорот, пренесува РТС.
Конфликтите продолжуваат на истокот и југот од земјата. Заменик-министерката за одбрана на Украина Хана Маљар изјави дека трупите на Киев напредуваат во сите правци на фронтот. Од почетокот на контраофанзивата, Украина тврди дека повторно воспоставила контрола врз група села на југоисток.
Началникот на Генералштабот на американската армија Марк Мили оцени дека украинската контраофанзива „се одвива побавно од предвиденото“, но дека напредокот е „стабилен“.
Од друга страна, Володимир Зеленски им нареди на највисоките воени команданти да го зајакнат северниот воен сектор по доаѓањето на шефот на „Вагнер“ Евгениј Пригожин во Белорусија.
Рускиот министер за надворешни работи Сергеј Лавров повторно се закани дека Москва нема да одобри продолжување на договорот за извоз на жито преку пристаништата на Црното Море. Тој инсистира на тоа дека има пречки за извоз на руски земјоделски производи кои треба да се отстранат.
Лавров посочи дека односот на западните земји кон тој договор е „безобразен“, посочувајќи дека жито не се извезува во најсиромашните земји во светот.
Обединетите нации соопштија дека се загрижени бидејќи од 26 јуни не биле регистрирани нови полетувања на бродови според договорот.
Папата Франциско изјави дека не и се гледа крај на војната во Украина, бидејќи неговиот мировен пратеник се врати во Рим по тридневната посета на Москва.
Ватикан во следното соопштение наведе дека папскиот пратеник, италијанскиот кардинал Матео Зупи, ги завршил консултациите во Москва, каде што се сретнал со еден од советниците на претседателот Владимир Путин, Јуриј Ушаков, и со поглаварот на Руската православна црква, патријархот Кирил.
