Фото: Принт-скрин

Русинот Миралем Единсон и Украинката Олха Шеико ја напуштија Москва по почетокот на војната во Украина и најдоа засолниште во БиХ. Тие се запознале пред една година, а се венчале само неколку дена пред почетокот на војната во Украина.

Набрзо се преселиле во Москва, каде ги поминале првите денови од бракот се до почетокот на војната кога без многу размислување се одлучиле да избегаат.

– Примив повик од мајка ми и брат ми рано наутро, брат ми ми кажа дека ги разбудиле звуци на гранати – вака Олха ја започнала својата приказна.

Семејството на Олха набрзо почнало да се подготвува да ја напушти Украина, а потоа младиот брачен пар без многу размислување решил да се пресели.

Брзо ги спакувале најпотребните работи и се упатиле во еден правец.

Фото: Принт-скрин

Велат дека патувањето со автомобил низ неколку земји од Москва до БиХ било многу тешко, особено затоа што имале автомобил со руски регистарски таблички.

– На пат кон Сараево застанавме. Луѓето таму беа збунети, бидејќи сфатија дека сум Русин, додека на мојот автомобил беа залепени украински знамиња – рече Миралем.

Тие беа изненадени од гостопримството во БиХ. Таква топлина и љубов, како што велат и самите не почувствувале во ниту една друга земја. Луѓето застануваа и не гушкаа на улица.

Миралем и Олха привремено заработуваат работејќи онлајн. Како што велат не планираат да останат во БиХ, Олха сака да ги продолжи студиите по психологија, додека нејзиниот сопруг планира да се посвети на поранешната професија како музичар и тонски инженер.

За Радио телевизија на БиХ, Олха изјавила дека нејзините родители и ја пренеле љубовта кон верските обичаи, а покрај тоа што не биле собрани како семејство, Велигден го дочекале спремно и со голема радост.

Како што кажа и самата, иако нема да има семејна топлина и комплетно искуство, сепак подготвија колачи и бојадисаа јајца.