Преодната влада на Бугарија до 48. Народно собрание достави договор со САД подготвен за ратификација, јави дописникот на МИА од Софија.
Преодната влада го направи овој чин седум дена откако пратениците дадоа поддршка за проектот. Доставувањето на договорот се совпадна со кризата предизвикана од ракетата што ја погоди Полска.
Бугарската влада однапред ги одобри договорите една недела пред да добие одобрение од Парламентот.
Целта е ратификацијата на договорот за 2,6 милијарди лева (1,35 милијарди евра) да биде завршена до 15 декември, а авионите да бидат во Бугарија до 2027 година.
Поради проектилот во Полска, в.д. премиерот Гулаб Донев, објави дека го повикува Советот за безбедност при Министерскиот совет по одржувањето на состанокот на амбасадорите на НАТО.
Собраниските комисии за надворешна политика и одбрана ги ислушаа министрите за одбрана Димитар Стојанов и министрите за надворешни работи Николај Милков, како и шефовите на специјалните служби на Бугарија и според Стојанов, нема потреба од зголемување на борбената готовност.
Милков и пратениците падот на проектилот во Полска го оценија како несреќа.
Парламентарните партии во бугарското Народно собрание се обединија дека Бугарија сочувствува со неговите жртви, но не брза со обвинувања.
