На вонредното изборно собрание е избран и нов Управен одбор на ШФМ
ШАХ
Воислав Мерџаноски е нов претседател на Шаховската федерација на Македонија (ШФМ), а доаѓа по оставката на досегашниот претседател Саша Богдановиќ, кој на оваа функција беше од февруари 2022 година. Тоа е епилогот на вонредното изборно собрание на ШФМ одржано во Скопје, на кое присуствуваа 30 делегати на клубови со право на глас, а кое почна со едноминутен молк во знак на почит на жртвите на трагедијата во Кочани.
На Собранието е избран и нов Управен одбор (УО), кој го сочинуваат Мерџаноски (претседател), Агим Шемшију, Сурија Таук, Александра Гакидова, Зоран Стојчевски, Крсте Танчевски, Иван Недев, Рамиз Дема, Влатко Ситновски, Мирослав Кузмановски и Арлинд Јонузи. Секретар е Марјан Митков, информираат од ШФМ. Мерџаноски е дипломиран инженер по шумарство, вработен во Министерството за внатрешни работи, претседател на ШК Гостивар, ФИДЕ-судија, истакнат шаховски работник, младински шаховски првак на Гостивар во 1983 година. Г.И.
