Изминатиов викенд на хиподромот во Маџари, на теренот на клубот за коњички спорт Илинден, се одржа шестото коло од отвореното Првенство на Македонија во прекокнување на пречки, како и второто коло од Купот на Македонија во прескокнување на пречки за година во пет класи, при што најуспешни беа Леонида Гроздановска од клубот Анималс и Петар Милошевски од клубот Бравадос со по две победи. Останува уште третото коло од Куп-првенството што ќе се одржи на 4 ноември, кога ќе се поделат сите одличја, пехари и медали на првите тројца во генераланиот пласман за годинава.
Во второто коло во Купот на Македонија се постигнаа следниве резултати.
Во КЛАСАТА Е (висина 0,7 м.-/0,9 м., ширина), победи Лена Ефтимовска со грлото „Војвотка“ од КК Анималс, пред Петра Мурговска со грлото „Куакс“ и Никита Јоновски со грлото „Куакс“ и двајцата од КК Бравадос.
Во КЛАСАТА Д (висина 0,8 м.-/1,1 м., ширина), триумфираше Марта Димитриевиќ со грлото „Калатус“, пред Горјан Атанасовски со грлото „Змеј“ и двајцата од ККС Илинден, додека трета е Калина Колевска со грлото „Прешес“ од КК Анималс.
Во КЛАСАТА Ц (висина 1 м.-/1,2 м., ширина), најдобра беше Љупка Аврамовиќ со грлото „Колпо Гросо“ од КК Бравадос, додека второ и трето место освои Леонида Гроздановска со грлото „Валентино“, односно „Џилдан“ од КК Анималс.
Во КЛАСАТА Б (висина 1,1 м.-/1,3 м., ширина), најуспешна беше повторно Леонида Гроздановска со грлото „Кардино“, а втора Меланија Атанасовска со грлото „Влеуд“ од ККС Илинден.
Во КЛАСАТА А (висина 1,2 м.- 1,4 м. ширина) прво место за Петар Милошевски со грлото „Надја“ од КК Бравадос.
Во шестото коло на отвореното Првенство на Македонија се постигнаа следниве резултати.
Во КЛАСАТА Е (висина 0,7 м.-/0,9 м., ширина), победи Горјан Атанасовски со грлото „Змеј“ од ККС Илинден, пред Никита Јоновски со грлото „Куакс“ од КК Бравадос и Петра Мурговска со „Куакс“.
Во КЛАСАТА Д (висина 0,9 м.-/1,1 м., ширина), прва е Сандра Маслинко со грлото „Еландо“ од КК Анималс, втор Горјан Атанасовски со грлото „Змеј“ од ККС Илинден, а трета Матеа Димовска со грлото „Нур“ од КК Анималс.
Во КЛАСАТА Ц (висина 1 м.-/1,2 м., ширина), триумф на Леонида Гроздановска со грлото „Валентино“ од КК Анималс, пред Марта Димитриевиќ со грлото „Калатус“ од ККС Илинден и Љупка Аврамовиќ со грлото „Колпо Гросо“ од КК Бравадос.
Во КЛАСАТА Б (висина 1,1 м.-/ 1,3 м., ширина), прва е Меланија Атанасовска со грлото „Влеут“ од ККС Илинден, втора и трета е Леонида Гроздановска со грлото „Џилдан“, односно „Карадино“.
И во КЛАСАТА А (висина 1,2 м.- 1,4 м., ширина), победи Петар Милошевски со грлото „Надја“, а втора беше Меланија Атанасовска со грлото „Влеут“. Г.И.
