Сместен во надворешниот слој на кожата, колагенот е основа на сврзувачкото ткиво што ја поддржува структурата на кожата. Најчесто се наоѓа во мускулите, тетивите, гастроинтестиналниот тракт, па дури и во крвните садови. За жал, колагенот се губи со возраста, но нашата исхрана може да помогне. За среќа, постојат многу намирници што природно го поттикнуваат производството на колагенот. Ако сакате да спречите опуштена кожа и брчки, земете го предвид вашиот начин на живот – особено исхраната. Која храна го зголемува производството на колаген?
1Протеини (месо и јајца): Колагенот се формира од 19 аминокиселини, кои се градбени блокови на протеините. Додавањето храна богата со протеини во вашата исхрана ги обезбедува суровините неопходни за производство на колаген. Изберете висококвалитетни животински протеини како органско пилешко, говедско… Белките се исто така одлична опција. Покрај тоа што на вашето тело му ја даваат потребната доза здрав протеин, овој протеин е богат со аминокиселините – лизин и пролин – кои се потребни за производство на колаген во телото.
2Растенија богати со аминокиселини: Разновидната исхрана базирана на растенија ќе му обезбеди на телото многу витамини и минерали, како и сите аминокиселини потребни за формирање целосни протеини – сите елементи неопходни за производство на колаген. Некои намирници што ги содржат сите девет есенцијални аминокиселини се киноа, хељда, семе од коноп, семе од чиа и спирулина.
3 Темнозелен зеленчук: Богат со витамин Ц, темнозелениот зеленчук како спанаќот и кељот може да го поттикнат производството на колаген. Фитоцерамидите може да се сметаат за растителна, веганска алтернатива на популарните додатоци на колаген. Тие можат да се најдат во спанаќот и помагаат во обновувањето на природните липиди на телото, помагајќи да се одржи бариерата на кожата, да се задржи влагата, да се пополнат брчките и да се избледат лузните од акни.
4 Домашна супа од коски: Ако сакате да ги задржите младоста и убавината, редовно јадете домашна супа. Колагенот се ослободува за време на процесот на варење на месото. Чистата природна храна богата со антиоксиданси и немасни протеини е одличен избор за кожата.
