Нега и убавина
Дали сте слушнале за обратната техника на миење на косата? На социјалните мрежи тврдат дека кога еднаш ќе го пробате, никогаш нема да се вратите на стариот начин. Тик-ток стана неисцрпен извор на нови трендови за убавина. Во морето видеа што се наредени едно по друго ве очекува разновидна содржина: од професионалци што споделуваат совети до просечни корисници што нешто пробале и им се допаднало, а сега го споделуваат своето откритие. Последно во низата трендови е таканареченото „обратно миење на косата“.
Процесот на обратно миење на косата вклучува промена на редоследот на користење на производите. Изгледа дека миењето на косата прерасна во вистинска филозофија. Како што сите знаеме и тоа го правиме несвесно, прво ја миеме косата со шампон, а потоа нанесуваме регенератор или маска. Имено, овој нов тренд препорачува прво да ја измиеме косата со регенератор, а потоа со шампон. И, наводно, овој обратен начин на миење на косата има многу придобивки.
Ако прво користите регенератор, а потоа шампон, со него отстранувате многу повеќе од регенераторот отколку само со вода, што резултира со помазна, поодржлива коса. Сите корисници на Тик-ток што го пробале овој метод тврдат дека по миењето косата им била полесна, помека и со повеќе волумен.
Меѓутоа, овој обратен метод не е најдоброто решение за сува и виткана коса на која ѝ одговара кремастата текстура на регенераторот. Најважно е да препознаете што ѝ треба на вашата коса и на крајот каков е типот на вашата коса за да знаете дали вреди да го користите овој метод или не.
