Вечерва се случи тешка собраќајна несреќа после мостот Гоце Делчев, во правец од Мавровка кон Влада.
Превртено и запалено возило, го отежнува сообраќајот во овој дел од Скопје – пренесе „ТВ Телма“.
МВР потврди дека во сообраќајката учествувале две возила, од кое едното се превртело и се запалило.
– На 15.10.2024 околу 20.55 часот е пријавено дека на бул Гоце Делчев на кракот со улицата „Лазар Личеновски“ во Скопје се случила сообраќајна несреќа помеѓу патничко возило “шкода” со скопски регистарски таблички и патничко возило “бмв” со скопски регистарски таблички. Возилото “шкода” се превртело и се запалило. Четири лица се пренесени во Клинички Центар Мајка Тереза за укажување на помош. Сообраќајот беше пренасочен кратко време , а сега се одвива во една коловозна лента – информираат од МВР.
На терен се полициски и амбулантни возила.
