Во изминатото деноноќие полицијата привела 15 лица низ државата поради кривичното дело „безобѕирно управување со моторно возило“, соопшти Министерството за внатрешни работи.
Според МВР, сите приведени управувале возило без возачка дозвола, а петмина од нив се малолетници.
По целосното документирање на случаите, против сите ќе бидат поднесени соодветни кривични пријави.
Од Министерството апелираат до граѓаните строго да ги почитуваат сообраќајните правила и да не управуваат возило без возачка дозвола, за време на изречена забрана за управување или под дејство на алкохол.
– Одговорното однесување во сообраќајот е заедничка обврска и клучен предуслов за поголема безбедност на сите граѓани – наведуваат од МВР.
