Само во последните 24 дена имаме 1400 тони увезено масло за јадење, има доволни количини на основни прехранбени производи. Ние како Влада ќе дозволиме извоз, цената на извозот влијае на намалувањето на цените на домашниот пазар – истакна министерот за економија Крешник Бектеши на форумот организиран за „100-те дена“ на Владата.
Министерот Бектеши истакна дека кризата кај нас е увезена од странство, но сепак се преземени мерки за заштита на стандардот на граѓаните и сите овие мерки ги дадоа вистинските резултати.
-Иако кризата која што се случува е увезена од надвор, како Министерство за економија донесовме мерки за заштита на стандардот на граѓаните, и преземените мерки дадоа резултат. Од јануари слободно можеме да кажеме дека сме лидери во справувањето со енергетската криза, но и во зголемувањето на локалната продуктивност. Министерство за економија од минатата година, во соработка со другите институции ги презеде сите потребни мерки. Со што веднаш ја вклучивме мерката за намалување на ДДВ од 18 на 5 отсто и работевме на комплетирање на плановите за сите активности, нашите капацитети за да не ни треба дополнителен увоз од нашите енергетски компании. Од јануари слободно можеме да кажеме дека сме лидер во справувањето со енергетската криза, но и од аспект на зголемување на домашната продуктивност – истакна Бектеши.
Тој нагласи дека, Министерство за економија, од ноември минатата година презема мерки согласно Законот за трговија, каде се уредуваат условите за водење бизнис, почнувајќи од синџирот, трговијата на големо, трговијата на мало за да го намалиме притисокот ги замрзнавме цените на одредени производи. Во март во соработка со Стопанските комори вклучивме и замрзнување на маржите за да не се одрази негативно на ликвидноста на нашите компании.
Министерот Бектеши додаде и дека секогаш има деструктивни страни кои сакаат вештачки да ја продлабочат кризата. Министерот додаде дека некои општини, кршејќи го законот за енергетика и други закони, основаат јавни претпријатија каде јавното осветлување и другите објекти кои се на слободниот пазар го пренасочуваат кон регулиран пазар.
-Сакам да истакнам едно многу важно прашање, имајќи предвид дека справувањето со енергетската криза иако е увезена во Македонија, секогаш има деструктивни страни кои сакаат вештачки да ја продлабочат оваа криза. Имаме случаи изминативе денови некои општини го прекршуваат Законот за енергетика и други закони, како неможност да управуваат со општините, создаваат јавни претпријатија, каде јавното осветлување и другите објекти кои се на слободниот пазар се прераспределуваат на регулираниот пазар. Тоа значи дека од јануари до крајот на јуни општините сакаат да направат вештачки проблем во регулирањето на цената што ќе биде на грбот на граѓаните, конкретно на домаќинствата кои се на регулираниот пазар. Зборуваме за трошење над 50 милиони евра што ги создаваат на овој начин за да се создаде ваква криза. Тоа значи огромни трошоци за нашите семејства, за семејствата, за нашите граѓани. Но, ние сепак сме подготвени и нема да го дозволиме ова – рече министерот за економија, Крешник Бектеши на трибината.
Министерот Бектеши, меѓу другото, истакна дека со новиот модел на тарифи за утврдување на цените ќе се дефинира нов блок каде што ќе штитиме, а категориите со социјален ризик ќе плаќаат пониска цена, додека оние кои се обидуваат да го злоупотребат системот и со тоа да профитираат и сето тоа оди на сметка на граѓаните и над нивниот стандард нема да дозволиме. Дополнително, на заинтересираните ќе им дозволиме да произведуваат енергија.
-Континуирано ја следиме состојбата и ги поканувам особено оние кои раководат со одредени општини и одредени бизниси кои сакаат да го направат тоа со институциите, да не го направи тоа, затоа што во еден момент јавно ќе покажеме кои општини сакаат да го злоупотребуваат системот на сметка на граѓаните за да не сносат никаква одговорност во справувањето со најголемата криза по Втората светска војна – рече Бектеши.
