• Опсегот на „Корса-e“ и „Мока-e“ во WLTP циклусот, се зголемува на 359 и 338 km (со А+
пневматици)*
•Продолжување на опсегот преку оптимизација на топлинската пумпа, редукторот и
пневматиците
•„Опел“ веќе нуди девет електрифицирани патнички автомобили и лесни комерцијални возила
Континуираниот развој на „Опел Корса-е“ и „Опел Мока-e“ донесе значителни зголемувања на опсегот при возење на двата модели – не само во официјалниот циклус WLTP (Светска хармонизирана постапка за тестирање на лесни возила), туку и при возење во реални услови. Со едно полнење на батеријата, наградуваниот „Опел Корса-е“, кој беше претставен во 2019 година, сега може да помине до 359 km (со А+ пневматици)* според WLTP, што претставува зголемување за 15 km. Опсегот на „Опел Мока-e“, којa беше пуштена во продажба во 2020 година и неодамна ja освои награда „Златен управувач за 2021“, се зголеми на 338 km (со А+ пневматици)* (WLTP).
Зголемувањето на опсегот е постигнато, на пример, преку оптимизација на HVAC (Греење, вентилација, клима уред) и погонските системи на „Опел Корса-е“ и „Опел „Мока-e“. Ефикасноста на топлинската пумпа, која ја загрева и лади внатрешноста и е стандардна опрема кај двата модели, сега е уште поголема од порано. Топлинските пумпи се поефикасни од конвенционалните HVAC системи, бидејќи бараат помалку енергија од батеријата, во корист на опсегот на возење. Клиентите ќе ги забележат подобрувањата особено при возење во зимските месеци.
Дополнителен придонес во зголемувањето на опсегот имаат новиот редуктор на менувачот и пневматиците од класа А+* 16 инчи (Corsa-e) и 17-инчни (Mokka-e).
„Опел Корса-е“ и „Мока-e“ се дел од сеопфатната офанзива за електрификација на германскиот производител богата со традиција. Opel веќе има девет линии на електрични возила на пазарот – LCV (лесни комерцијални возила) како и патнички автомобили. Портфолиото на возила на брендот ќе биде целосно електрифицирано до 2024 година. „Опел“ целосно ќе се фокусира на електрични возила со батерии во Европа од 2028 година.
*Во зависност од земјата
