Нега и убавина
Уморната кожа без сјај е проблем со кој се соочуваат многумина, а кремовите честопати не ги носат посакуваните резултати бидејќи не навлегуваат доволно длабоко. Мезотерапијата е најефикасното решение во вакви случаи што дава целосно природен изглед. Мезотерапијата стана еден од златните стандарди во естетската дерматологија, особено кога сакаме да ја вратиме свежината на кожата, а наедно да го одржиме целосно природниот изглед. Тоа е минимално инвазивен третман што вклучува коктел од активни супстанции во средниот слој на кожата преку микроинјекции или уреди. Овие коктели содржат витамини, хијалуронска киселина, ензими и антиоксиданти.
Со овој третман добиваме посветол и потониран изглед на лицето, длабински ја храниме кожата, ги поттикнуваме нејзината регенерација, хидратација и производството на колаген.
Хранливите материи се внесуваат директно во средниот слој на кожата, точно таму каде што се најпотребни и каде што обичните кремови не можат да ги достават. Постапката, во зависност од пациентот, се изведува со игли (мали пункции до два милиметри длабочина). Овие таканаречени микроиглички го отвораат патот за внесување активни состојки и го стимулираат самото размножување на клетките. Ова води до создавање нови слоеви на еластични и фиброзни влакна и нови капилари. Идеален кандидат за мезотерапија е личност со уморна и сува кожа, без сјај и со први знаци на стареење.
