Кина сè повеќе се насочува кон вештачката интелигенција за модернизација на земјоделството, подобрување на ефикасноста и обезбедување на снабдувањето со храна на нацијата. Од дронови што ги испитуваат полињата до автоматизирани машини за садење и берба, опремата со вештачка интелигенција игра сè поважна улога во целиот земјоделски процес, рече кинескиот министер за земјоделство и рурални работи Хан Џун.
– Минатата година користевме повеќе од 300.000 земјоделски дрона, најголем број во светот – рече Хан за време на четвртата сесија на 14-от Национален народен конгрес на минатонеделните „Две сесии“.
Многумина пратеници и политички советници на „Двете сесии“ ја нагласија улогата на вештачката интелигенција во обезбедувањето дека производството на жито ги исполнува целите за квантитет, квалитет и разновидност.
Во североисточната кинеска покраина Хејлонгџијанг, која е главен регион за производство на жито, властите воведоа интегрирани решенија за паметно земјоделство што ги заменуваат традиционалните практики зависни од временските услови со операции управувани од податоци, далечински следени, според Лианг Хуилинг, гувернер на покраината Хејлонгџијанг.
– Во 2025 година производството на жито во Хејлонгџијанг надмина 82 милијарди килограми, одржувајќи ја својата позиција како најголем производител на жито во Кина 16-та година по ред – рече Лианг.
Со интегрирање на вештачката интелигенција и блокчејн-технологијата во земјоделските операции, заедно со интензивирани инвестиции во дигитална инфраструктура и развој на таленти, Кина обезбедува технолошките иновации да стигнат до полињата.
– Земјоделското производство еволуираше од состојба на зависност од волови и коњи до трактори, па сега и до паметната опрема – истакна Ќао Венжи, претседател на „Чиаофу Дајан“ во Хејлонгџијанг.
