Унгарскиот премиер Виктор Орбан за изгледите за ставање крај на војната во Украина
Европа е на работ на голема можност и САД наскоро би можеле да ѝ стават крај на војната што Европејците не успеваат да ја решат четири години, истакна унгарскиот премиер Виктор Орбан на својата фејсбук-страница, пред состанокот на Комитетот за прашања на Европската Унија на унгарскиот парламент, додавајќи дека Европа нема да има друг избор освен да ги поддржи САД.
Според него, Европа ќе ја продолжи војната на бојното поле и „ќе ја интензивира во економската заднина со запленување на замрзнатите руски средства“.
– Таквиот потег е еднаков на отворена објава на војна – рече Орбан, додавајќи дека руската страна ќе возврати.
Тој нагласи дека Унгарија нема причина да ја промени својата позиција и дека војната не може да се реши на фронтовската линија, туку треба да го направи она што го прави американскиот претседател Доналд Трамп, имено да преговара.
Орбaн нагласи дека Унгарија, затоа, нема да поддржи запленување на замрзнатите руски средства, ниту ќе испраќа пари или оружје во Украина, ниту ќе учествува во собирање кредити што би послужиле за воени цели.
– Врзете ги безбедносните појаси, нè очекува бурна недела. Оваа недела е посветена на самитот на Европската Унија во Брисел, за кој се подготвуваме, влоговите се едноставни: војна или мир – рече Орбан, додавајќи дека никогаш не сме биле толку блиску до решавање на војната меѓу Русија и Украина. Р.С.
Само девет отсто од Украинците очекуваат војната да заврши до почетокот на идната година
Само девет проценти од Украинците очекуваат војната да заврши до почетокот на 2026 година, додека 14 проценти очекуваат борбите да завршат барем во првата половина од следната година, според резултатите од анкета на јавното мислење спроведена од 26 ноември до 13 декември, кои ги објави Меѓународниот институт за социологија во Киев (КИИС).
Тие наведуваат дека во септември годинава 15 проценти од испитаниците имале такви очекувања, односно само една четвртина од Украинците очекуваат војната да заврши во релативно блиска иднина, објавува УНИАН.
Крајот на војната во втората половина на 2026 година го очекуваат 11 проценти од Украинците, додека 32 проценти од нив веруваат дека војната ќе заврши во 2027 година или подоцна.
Во исто време, секој трет испитаник – 33 проценти од нив – одговорил дека не знае кога ќе заврши војната. Исто така, мнозинството Украинци, 63 проценти, сè уште велат дека се подготвени да ја издржат војната онолку долго колку што е потребно.
КИИС спроведе телефонска анкета на случаен примерок од 547 испитаници во сите региони на Украина контролирани од украинските власти. Р.С.
Полскиот претседател Навроцки оцени дека Киев ги игнорира прашањата што се клучни за Варшава
Односите меѓу Украина и Полска повеќе не се партнерски
Полскиот претседател Карол Навроцки изјави дека сегашните односи меѓу Полска и Украина не можат да се сметаат за вистинско партнерство, оценувајќи дека Киев ги игнорира прашањата што се од клучно значење за полската страна.
Во интервју за „Виртуал Поланд“, Навроцки изјави дека „елементот на партнерство е изгубен“, посочувајќи првенствено на нерешените историски прашања, како што се ексхумациите на полските жртви во Волинија. Според него, ако темите од суштинско значење за Полјаците дури и не се предмет на сериозно разгледување во Киев, оправдано е да се праша на што всушност се темели партнерството меѓу двете земји.
Полскиот претседател изрази надеж дека ваквиот пристап од страна на украинската страна ќе се промени во иднина, но во исто време предупреди дека Полска не може да ја прифати улогата на пасивен актер во односите од стратешко значење.
– Како претседател на Република Полска, не можам, не сакам и нема да се согласам мојата земја да се третира исклучиво како коридор во клучните политички и безбедносни прашања – рече Навроцки.
Тој исто така оцени дека украинското раководство не ја доживува поддршката од Варшава како критично важна, наведувајќи дека во Киев е создадено верување дека полската помош е имплицитна и трајно гарантирана.
Навроцки заклучи дека односите меѓу двете држави треба да се преиспитаат, со поголемо меѓусебно почитување и разгледување на националните интереси на Полска. Р.С.
Само девет отсто од Украинците очекуваат војната да заврши до почетокот на идната година
Само девет проценти од Украинците очекуваат војната да заврши до почетокот на 2026 година, додека 14 проценти очекуваат борбите да завршат барем во првата половина од следната година, според резултатите од анкета на јавното мислење спроведена од 26 ноември до 13 декември, кои ги објави Меѓународниот институт за социологија во Киев (КИИС).
Тие наведуваат дека во септември годинава 15 проценти од испитаниците имале такви очекувања, односно само една четвртина од Украинците очекуваат војната да заврши во релативно блиска иднина, објавува УНИАН.
Крајот на војната во втората половина на 2026 година го очекуваат 11 проценти од Украинците, додека 32 проценти од нив веруваат дека војната ќе заврши во 2027 година или подоцна.
Во исто време, секој трет испитаник – 33 проценти од нив – одговорил дека не знае кога ќе заврши војната. Исто така, мнозинството Украинци, 63 проценти, сè уште велат дека се подготвени да ја издржат војната онолку долго колку што е потребно.
КИИС спроведе телефонска анкета на случаен примерок од 547 испитаници во сите региони на Украина контролирани од украинските власти. Р.С.
Украина како воен полигон за тестирање на оружјата на сите засегнати страни
И Русија и Западот вршат опити во реални воени околности заради унапредување на својата огнена сила
Интересна статија деновиве напиша специјализираното списание „Зона милитар“, во која Украина ја третира како „полигон за тестирање на воената моќ и на западните и на руските оружја и тешки орудија, противракетни системи, дронови итн.“ каде што се воочуваат предностите и недостатоците на тие нови и стари оружја, но во реални, воени услови.
На пример, специјализираното списание „Зона милитар“ пишува дека Русите ги унапредуваат нивните познати системи за противвоздушна одбрана С-400, благодарение на искуството од војната во Украина. Системите С-400 имаат дострел на соборување до 400 километри, а на откривање до 600 километри и можат да следат до 80 потенцијални закани одеднаш. Тие досега беа успешни во војната во Украина во пресретнувањето на ракетите „патриот“ и АТАЦМС.
Според она што го објавија државните руски медиуми, „системите за противвоздушна одбрана С-400 ’триумф’ на руските вооружени сили ќе бидат во процес на модернизација што ќе ги земе предвид лекциите научени од нивната употреба во Украина, со цел да овозможи поефикасно неутрализирање на непријателските закани“. Ова го кажа и Јан Новиков, извршен директор на производителот на оружје „Алмаз-Антеј“, истакнувајќи дека дизајнот на системот сега има „необични карактеристики“ во однос на другите модели присутни во мрежите за воздушна одбрана што ги користат вооружените сили низ целиот свет.
– Современиот свет доживува брза научна и технолошка револуција, а одбранбената индустрија е една од нејзините најважни точки. Брзината на промените ни овозможува без одложување да одговориме на новите предизвици. Еден од овие одговори е огромниот потенцијал за модернизација на ракетниот систем за воздушна одбрана С-400, кој ни овозможува брзо да ги ублажиме новите закани за време на специјалната воена операција. Благодарение на овој потенцијал, „триумфот“ стекна нови способности и својства што генерално не се карактеристични за системите за воздушна одбрана – истакна Новиков.
Во таа смисла руски извори посочуваат дека системот покажува знаци на поголема оперативна ефикасност од август, при што различни извештаи објаснуваат успешна употреба против украински ракетни напади, особено против оние што се лансирани од копно. Следејќи ја таа линија, аналитичарите во Москва тврдат дека С-400 одиграле клучна улога во пресретнувањето на ракетите АТАЦМС лансирани против цели на руска територија во средината на ноември, а во исто време го истакнуваат нивното учество во напорите за пресретнување на ракети распоредени од системите „патриот“ против руски авиони.
Иако не се дадени дополнителни детали во врска со тоа кои подобрувања се инкорпорираат во С-400, исто така е нагласено дека тие би можеле да претставуваат поголем поттик за спроведување на нивниот извоз до меѓународни клиенти, при што Индија е главен кандидат за купување. Исто така, Њу Делхи и Москва се блиску до склучување договор за зајакнување на капацитетот за воздушна одбрана на Индија, мрежа од која оние С-400 што се стекнати во 2018 година веќе се дел. Моментално се спроведува процес на нивно инкорпорирање и веќе се користат против авиони на пакистанските воздухопловни сили.
Засега, вреди да се потсетиме дека во моментов досега споменатите системи за воздушна одбрана претставуваат едни од најнапредните што се достапни во рускиот инвентар, со проценет дострел од околу 400 километри за извршување соборувања; 600 километри ако се осврнеме на можноста за откривање цели. За таа цел, системот има ракети што ѝ припаѓаат на серијата 48Н6, додадени на современ радар против пречки, што му овозможува да следи до 80 потенцијални закани одеднаш за време на неговото распоредување во борба. С.Р.
