Техно
Новиот интернет-пребарувач со вештачка интелигенција ЧетГПТ срч штотуку стана достапен за сите. Ќе биде достапен бесплатно за сите корисници на мобилната апликација ЧетГПТ и десктоп-верзијата на популарната алатка за вештачка интелигенција. Компанијата „Опен АИ“ го лансира прелистувачот минатиот месец, а сега објави дека неговите функции се подобрени и на корисниците ќе им понуди подобрено корисничко искуство.
Првично беше најавено дека новиот прелистувач ќе биде достапен само за претплатниците, но прелистувачот сепак ќе биде достапен за сите со сметка на ЧетГПТ, што значи дека нема потреба да плаќате ништо за да го користите. „Опен АИ“ лансира и оптимизирана верзија на ЧетГПТ-пребарување за мобилни уреди, имено паметни телефони и таблети. Пребарувачот им нуди на корисниците можност за користење „разговорна вештачка интелигенција“. Разговорната вештачка интелигенција е јазичен интерфејс способен да одговори на широк спектар прашања од корисниците. А постои и можност за користење напредно гласовно пребарување, односно поставување усни прашања, што е слично на „секојдневниот човечки разговор“.
Компанијата исто така воведе можност за споделување на екранот во реално време во прелистувачот на напредниот гласовен режим на неговиот ЧетГПТ АИ-четбот. Така, корисниците можат да го споделат својот екран со ЧетГПТ и да побараат повратна информација за различни прашања и задачи. Оваа функција е достапна на мобилните апликации за Андроид и иОС за корисници на ЧетГПТ лус, Тимс и Про.
