Фотографијата насловена Вера, надеж и љубов на авторката Билјана Жаков е овонеделниот избор на „Нова Македонија“ за фотографија на неделата.
-Фотографијата е направена во црквата „Св.Ѓорѓи“ во селото Старо Нагоричане. Кога се наоѓам во црковен храм, чувството кое ме обзема е возвишено, се водат тука разговори меѓу мене и Бога, ќе капне и понекоја солза и од сета растрепереност во душата сакав да го овековечам моментот со зраците кои мистично продираат низ прозорецот, како поврзаност помеѓу физичкиот и духовниот свет – вели Жаков.
Фотографијата е избрана од најголемата македонска фејсбук-група за фотографии MACEDONIA – Photo Stories.
Утре ќе биде отпечатена на цела страница во печатеното издание на „Нова Македонија“.
![](https://novamakedonija.com.mk/wp-content/uploads/2024/07/nbdsnrdufwpj-464x696.jpg)
„Нова Македонија“ секоја недела избира фотографија на неделата
Фотографијата секој вторник, на цела страница, ќе се објавува во печатеното издание и на веб-страницата на „Нова Македонија“.
Вашите авторски фотографии може да ги испраќате на [email protected]
Насловот на мејлот треба да биде ЗА ФОТОГРАФИЈА НА НЕДЕЛАТА.
Фотографијата треба да е со димензии 2.000 x 3.000 пиксели (ориентација портрет) и тешка до 3 мегабајти.
Во мејлот треба да напишете име и презиме, наслов на фотографијата и краток опис, кои ќе бидат објавени заедно со фотографијата.
Во мејлот треба да наведете и дека сте согласни да се објави фотографијата, доколку биде избрана.