Поврзување помеѓу македонските и кинеските компании од слободната трговска зона во градот Нингбо
Во Скопје се одржа состанок помеѓу македонските компании и кинеските компании од слободната трговска зона што се наоѓа во градот Нингбо, во организација на Стопанската комора на Македонија и Центарот за промоција на изложбата и соработката на Нингбо со Централна и со Источна Европа, како и Амбасадата на НР Кина во Скопје. Поздравно обраќање на собирот имаше амбасадорката Џианг Ју, специјална претставничка за соработка меѓу Кина и земјите од Централна и од Источна Европа, а за можностите за соработка помеѓу компаниите од двете држави говореа проф. д-р Орце Симов, потпретседател на Стопанската комора на Македонија, и Џанг Јадонг, директор на Центарот за промоција на изложбата и соработката на Нингбо со Централна и со Источна Европа.
На состанокот беа присутни претставници од повеќе компании и различни економски сектори, како што се производството на храна и вино, автомобилската индустрија, туризмот, градежништвото, медицината итн. Македонските бизнисмени го нагласија потенцијалот за стратегиска соработка помеѓу македонските и кинеските компании, а беа презентирани бизнис-плановите на македонските компании и имаше отворена покана до кинеските претставници за идна соработка. Претставниците на околу дваесетина кинески компании искажаа подготвеност за продлабочување на економските врски во повеќе економски сектори, како што е увозот на македонско вино и говедско месо, но и за продлабочување на соработката помеѓу кинеската автомобилска индустрија во Нингбо и македонските компании, а се говореше и за развој на туризмот помеѓу двете страни.
Треба да се истакне дека слободната трговска зона се наоѓа во градот Нингбо, значаен пристаништен град што се наоѓа 220 километри јужно од Шангај, и во неа работат околу 70 кинески и странски компании. Локалните власти на Нингбо преку слободната трговска зона и други активности се насочени кон поттикнување на инвестициите во меѓународната трговија, новите стратегиски индустрии, производството, информатичките услуги итн., што е одлична можност за македонските компании. Кинеските бизнисмени искажаа желба за што поголемо присуство на македонските производи во слободната трговска зона во Нингбо, но и на кинескиот пазар. Д.Ст.
Обраќање на Џианг Ју, специјална претставничка за соработка меѓу
Кина и земјите од Централна и од Источна Европа
Многу сум среќна што имаме онлајн размена со пријатели од деловните кругови на Кина и Северна Македонија во Скопје и ќе одржиме состанок за поврзување на компании за увоз и извоз Кина – Нингбо – Северна Македонија. Денеска учествуваа вкупно 45 компании од двете земји, кои покриваат извоз на вино, медицинска опрема, товарна логистика, туризам и други индустрии. Би сакала да ја искористам оваа пригода да изразам срдечна благодарност до организаторите на настанот, Стопанската комора на Северна Македонија, Центарот за промоција на изложбата и соработката на Нингбо со Централна и со Источна Европа и кинеската амбасада во Северна Македонија.
Соработката меѓу Кина и земјите од Централна и од Источна Европа е прагматична и отворена платформа за меѓурегионална соработка. Како специјална претставничка за соработка меѓу Кина и земјите од Централна и од Источна Европа, јас сум посветена на промовирање на економската и трговската соработка и културната размена меѓу Кина и земјите од Централна и од Источна Европа, како и на зајакнување на билатералните односи меѓу Кина и земјите од Централна и од Источна Европа. Една од главните цели на ова патување е да се зајакне комуникацијата со претставници од сите сфери на животот во Северна Македонија, целосно да се искористи потенцијалот за соработка и да се истражи како да ѝ се помогне на Северна Македонија подобро да учествува во соработката и да има корист од неа.
Нингбо е центар за соработка помеѓу Кина и земјите од Централна и од Источна Европа. Во моментов, 90 отсто од производите од Централна и од Источна Европа влегуваат на кинескиот пазар преку Нингбо. Со текот на годините, Нингбо одигра важна платформа и улога на врска со промовирањето на економската и трговската соработка меѓу Кина и земјите од Централна и од Источна Европа. Северна Македонија има добра земјоделска основа. Во моментов, повеќе од 10 бренда вино од Северна Македонија се продаваат во стоковниот центар Нингбо за Централна и Источна Европа. Се надеваме дека повеќе висококвалитетни земјоделски производи од Северна Македонија ќе влезат на кинескиот пазар во иднината. Северна Македонија има единствена географска предност и е земја на експресната линија Кина – Европа, копнена – морска линија. Компаниите за товарна логистика од Северна Македонија се добредојдени да учествуваат во Глобалната транспортна алијанса предложена од Кина. Во моментов, Кина, заедно со земјите од регионот, активно создава „повеќе застанувања на еден пат“, регионален туристички производ на Балканот. Туристичките агенции од Северна Македонија се добредојдени активно да учествуваат, искористувајќи ја безвизната политика на балканските земји и отворањето директни летови меѓу Србија, Грција и другите регионални земји со Кина. Погодните услови дополнително ќе ги збогатат и надградат регионалните туристички производи и ќе привлечат повеќе кинески туристи во регионот.
Се надеваме дека двете страни ќе го искористат овој настан како можност да ја зајакнат размената, да го подобрат разбирањето, да ја промовираат соработката меѓу двете страни преку соработка и да промовираат економската и трговската соработка меѓу Кина и Северна Македонија да биде постабилна, попрактична и поуспешна.
Обраќање на Џанг Јадонг, директор на Центарот за промоција на изложбата и соработката на Нингбо со Централна и со Источна Европа
Во последниве години, Нингбо, под водство на Министерството за надворешни работи, Министерството за трговија и други национални министерства и комисии, активно учествуваше во соработката помеѓу Кина и земјите од Централна и од Источна Европа и ги вложи сите напори да стане прв избор на стоки од Централна и од Источна Европа за влез на кинескиот пазар. Во изминатите пет години (2018-2022), Нингбо и земјите од Централна и од Источна Европа постигнаа просечна годишна стапка на раст од 18,17 отсто во увозната и извозната трговија. Во 2022 година, увозот на Нингбо од Централна и од Источна Европа ќе достигне 11,2 милијарди јуани, што претставува 5,4 отсто од увозот на Кина од Централна и од Источна Европа. Увозниот процент на Нингбо е на прво место во земјата. Пропорциите се високи до 22 отсто и 15 отсто. Од јануари до септември 2023 година, увозот и извозот на Нингбо во Северна Македонија изнесува 17,49 милиони американски долари, што претставува зголемување од 57,5 отсто, главни производи биле фероникел, електрични мотори, автоделови и облека.
Центарот за промоција на изложбата и соработката на Нингбо со Централна и со Источна Европа е единствената сеопфатна изложба во рамките на соработката на Кина и земјите од Централна и од Источна Европа. Таа е и главната платформа за Кина за увоз на стоки од Централна и од Источна Европа. Третата изложба беше успешно одржана во Нингбо во мај оваа година. На изложбата учествуваа повеќе од 350 политички и деловни претставници од 12 земји од Централна и од Источна Европа. Одржани се повеќе од 30 активности, меѓу кои и Конференцијата за набавка на стоки во Централна и во Источна Европа, земјоделски дијалози за производи и состаноци за склопување на набавките и за набавки. Меѓу нив, на изложбата учествуваа повеќе од 10 излагачи од Северна Македонија, со производи што покриваат храна и пијалаци, вина, рачно изработен накит и сл., како што се „Шимона компани“, винарницата „Стоби“, винарницата „Мовино“ итн., а половина од нив учествуваа на изложбата повеќепати.
Центарот за промоција на изложбата и соработката на Нингбо со Централна и со Источна Европа каде што работам е професионална организација одговорна за секојдневното функционирање на изложбата и за промоција на соработката во Централна и во Источна Европа. Покрај саемите, имаме и годишни изложби и онлајн изложби, обезбедувајќи услуги со целосен синџир, како што се прикажување производи, преговори за проекти и трговска интеграција на претпријатијата од Централна и од Источна Европа 365 дена во годината.
На овој настан, врз основа на потребите на македонските компании, организиравме повеќе од 20 кинески компании да учествуваат на настанот, а нивните бизниси вклучуваат алкохол, храна, земјоделски производи, автоделови и други области. Овие компании имаат одредени силни страни во нивните индустрии и имаат професионални тимови. Тие со нетрпение очекуваат да воспостават врски со компании во Северна Македонија за заедно да создадат нови деловни можности и да постигнат заемна корист и победнички резултати.
Во следната сесија за промоција на компаниите, кинеските компании една по една ќе направат кратки записи.
Овде сакам и да изразам особена благодарност до Стопанската комора на Македонија за внимателната организација на овој настан. Центарот за Централна и за Источна Европа е подготвен да ја зајакне соработката со Стопанската комора и да им обезбеди на македонските компании платформа да ги изложат своите производи на изложбата во Централна и во Источна Европа и на Павилјонот за специјалитет за стоки. Во исто време, центарот исто така може да ѝ помогне на Стопанската комора да промовира размена и приклучување со кинески компании, како што се коорганизирање трговски преговори, конференции, состаноци за промоција на инвестиции итн., за да им обезбеди на претпријатијата од двете страни повеќе можности за размена и соработка.
Обраќање на проф. д-р Орце Симов, потпретседател на Стопанската комора на Македонија
Во име на членовите на македонската стопанска комора, би сакал да им упатам срдечно добредојде на учесниците на настанот. Мило ми е што ве запознав сите на оваа онлајн средба и се надевам дека ќе имаме шанса да се сретнеме лице в лице во блиска иднина.
Се надевам дека овој настан и натамошни слични настани ќе помогнат дополнително да се зголемат трговијата и соработката меѓу нашите земји и компании.
Со историја што датира од пред 5.000 години, кинеската цивилизација даде значаен придонес во развојот на човештвото и стана една од најголемите и економски најмоќните нации во светот. По отворањето на Кина во 1978 година и почетокот на нејзината политика на новата ера, Кина постигна голем развој во економијата, науката, технологијата, образованието и другите сфери на јавниот живот.
Македонија како мала и отворена економија во развој може да го постигне посакуваниот економски напредок и одржлива надворешна рамнотежа, само со политики и мерки за економски раст базирани на стратегија за проширување на извозот. Во спроведувањето на ваквата стратегија, државата и извозната економија имаат комплементарни улоги и одговорности. Македонија и Кина имаат многу неурамнотежена трговска размена. Увозот од Кина е околу 1 милијарда долари, а извозот е само 55 милиони долари. Тоа е многу неповолен однос за Македонија од околу 1:20. Кина е првата земја во светот што почна да промовира увоз наместо извоз. Досега сите земји прават напори да го зголемат извозот, а извозот се промовира на различни начини. Со оглед на фактот дека имаме многу голема нерамнотежа меѓу увозот и извозот со Кина и новата иницијатива на Кина за унапредување на увозот, треба да најдеме начини за извоз на повеќе стоки и услуги во Кина. Така ќе ги намалиме разликите во нашиот увоз и извоз.
Убеден сум дека со заеднички напори ќе придонесеме за натамошно унапредување на севкупните, традиционално пријателски односи меѓу Република Северна Македонија и Народна Република Кина, кои годинава одбележуваат 30 години од воспоставувањето дипломатски односи. Потенцијалот за соработка меѓу двете земји е на полето на економијата, енергетиката, инфраструктурата, информатичката технологија, образованието, туризмот и културата воопшто, со нагорен тренд на трговската размена.
Имаме големи предизвици во овој период, но и големи можности. Ајде да правиме бизнис.
