Јужна Кореја и САД денеска го почнаа најголемите заеднички воени вежби во последните пет години, и покрај заканите од Северна Кореја, која неколку часа претходно соопшти дека истрелала два крстаречки ракети.
Вашингтон и Сеул ја зајакнаа одбранбената соработка соочени со зголемената воена и нуклеарна закана од Пјонгјанг, што го зголеми бројот на пробни лансирања во последните месеци.
Вежбите „Штитот на слободата“ на американските и јужнокорејските сили, кои почнаа денеска, ќе траат најмалку десет дена и се резултат на двојно зголемената агресивност на Северна Кореја, насочена кон „развивање безбедна средина“, соопштија сојузниците.
Војската на Јужна Кореја на почетокот на март соопшти дека специјалните сили од Вашингтон и Сеул организираат воени маневри „Тиков Нож“ кои симулираат прецизни напади врз клучните инсталации во Северна Кореја, пред „Штитот на слободата“.
Сите овие вежби предизвикуваат бес кај Пјонгјанг, кој ги смета за генерална проба за инвазија на неговата територија или соборување на режимот, оправдувајќи го своето нуклеарно оружје и балистичките програми со потребата од одбрана.
Северна Кореја вчера истрела две крстаречки ракети врз подводна цел, јави севернокорејската новинска агенција КЦНА. Агенцијата тврди дека тестот бил успешен и оти проектилите ги погодиле нивните цели.
