Истражување откри невообичаена причина за внесувањето храна и дебелеењето. Дали се обидувате да изгубите тежина, да ја задржите вашата тежина под контрола, но не успевате да го направите тоа? Можеби начинот на исхрана е „виновникот“.
Американски и холандски нутриционисти спроведоа студија во која учествуваа и мажи и жени, а резултатите се изненадувачки. Учесниците, 44 мажи и 44 жени, јаделе тестенини со сос од сирење само еднаш неделно за еден месец. Нивните навики биле внимателно анализирани, колкава е порцијата, како јадат и колку долго јадат. Истражувањето покажа дека оние што јаделе брзо, не џвакале и само голтале внеле речиси двојно повеќе од оние што јаделе полека.
Разликата во порциите беше голема – најмалата била околу 400, но најголемата беше 700 грама, што е навистина голема разлика!
Веќе е познато дека ако чинијата е полна, чувствуваме дека сме принудени да изедеме сѐ од неа. Но сега е утврдено дека ако јадеме брзо, ќе изедеме повеќе и ќе го оптовариме стомакот. Кога јадеме брзо, земаме големи залаци и брзо голтаме, плунката и ензимите не успеваат да се помешаат со храната и да ѝ го олеснат патот до дигестивниот систем. Затоа, стомакот е под оптоварување и се внесуваат повеќе калории, маснотии, сол…
– Ако внимавате на големината на оброкот, јадете побавно и јадете помали залаци, па така нема да прејадете – вели авторот на студијата, Пејџ Канингам, од Американското друштво на нутриционисти.
Студијата е спроведена заеднички од универзитетите во холандски Мастрихт и Пенсилванија.
