Католичките верници и дел од православните христијани кои времето го сметаат по Грегоријанскиот календар денеска го слават Бадник, во пресрет на Божиќ, раѓањето на Исус Христос.
Централната прослава во државава ќе се одржи во 18 часот во Католичката црква „Пресвето Срце Исусово“ во Скопје. Светата божиќна литургија ќе ја предводи бискупот скопски и епарх струмичко-скопски Киро Стојанов.
На литургијата во црквата ќе биде дозволено присуство на помал број верници во однос на изминатите години согласно протоколите за заштита од ковид-19. Од Скопската бискупија информираат дека пред црквата ќе биде поставено озвучување и видео бим.
Божиќ утре го слават и Грчката, Бугарската, Романската, Украинската и Грузиската православна црква кои го прифатија Грегоријанскиот календар.
Преостанатиот православен свет кој се води според Јулијанскиот календар, меѓу кои и Руската, Српската и Македонската православна црква, Ерусалимската патријаршија, како и дел од монасите на Света Гора, Божиќ ќе го одбележат на 7 јануари.
