Шеесет и три-годишна жена која беше меѓу повредените во експлозијата на плинска боца што се случи минатиот викенд во кумановското село Романовце, во болница им подлегнала на повредите, потврдија од Клиниката за Tрауматологија и интензивно лекување.
Со овој смртен случај бројката на жртви во експлозијата се искачи на шест лица.
На самото место на несреќата што се случи на 23 февруари загинаа три деца на осум, девет и 11 години.
Подоцна во болница почина и 58-годишен маж, а пред три дена на здобиените повреди им подлегна и 36-годишна жена.
