Кинеската група „Синопек“ се најде на првото место на листата на водечките компании за нафта и гас во светот, со приходи од над 430 милијарди долари, пред британски „Шел“ и саудиски „Арамко“. Истовремено, американската компанија за нафта и гас „Ексон мобил“ се најде на шестото место, со вкупна заработка од околу 275 милијарди долари во 2019 година.
Сумите во милијарди долари не се невообичаени во индустријата за нафта и гас. Но приходите зависат од флуктуациите на цените на нафта на светските пазари.
Саудиската нафтена компанија „Арамко“ беше нов играч на листата во 2018 година. Во април 2019 година, саудиски „Арамко“ првпат објави хартии од вредност од околу 12 милијарди долари на берза, во рамките на подготовките за иницијално излагање, што на крајот беше одложено до декември. Нафтената компанија, која и понатаму останува под државна контрола, тогаш првпат објави финансиски податоци. Претходно, сметките на саудиски „Арамко“ главно се држеа во тајност, откако компанијата беше национализирана во 1970-тите.
