Коди Антл е модерен Тарзан. Неговиот живот личи на филм. Американецот се гали со тигри, живее со шимпанза, а слонот му е дадилка.
– Отсекогаш сум бил поврзан со животните. Уште како мал знаев дека сум уникатен затоа што не сакав работи што ги интересираа другите деца – вели Американецот Коди Антл.
Неговиот профил на Инстаграм е токму спротивното од она што сме навикнати да го гледаме. Тој споделува видеа со хранење тигри, игра со шимпанза и позира со нив.
– Само сакав да бидам гол и да се дружам со тигрите во џунглата – објаснува модерниот Тарзан, чиј сон се оствари. Тој објаснува дека сè започнало со неговиот татко, а тој едноставно ја наследил неговата љубов кон животните. И на него браќа и сестри му биле тигри и слонови.
– Тие се дури и повеќе од браќа и сестри, исто како да се ваши партнери – се шегува Коди.
– Го воспитав да биде како Могли. Да се биде момчето кое игра со мали тигарчиња во креветот. Да биде момче на кое најдобри пријатели му се шимпазата – објаснува неговиот татко Антл, кој е основач на институтот кој се грижи за ретки и загрозени видови и поседува резерват во Јужна Каролина.
