Секој сопственик на домашно милениче е горд на името што го избрал за најновиот член на своето семејство. Дали знаевте дека името што сте му го дале на вашето куче или мачка кажува многу за вас? Дали некогаш сте се запрашале што мислат другите за вас кога ќе го слушнат името на вашето домашно милениче?
Човечко име: Ако на вашето домашно милениче сте му дале име што обично им се дава на луѓето – Луси, Бони, Божо, Чедо – вашето куче или мачка е повеќе од само животно: тоа е рамноправен член на семејството. Истражувањата покажаа дека сопствениците што на своите миленици им даваат човечки имиња имаат најблиски односи со нивното животно. Така, овие кучиња, мачки, птици… веројатно седат на маса и добиваат храна и се фотографираат за интернет стотици пати… на ден.
Име на животно: Ако вашето домашно милениче се вика Мече, Теди, Глувче…, тоа е знак дека сте љубител на животни од сите големини, форми и бои. Кога треба да кажете забавен факт за себе, некако се идентификувате со животните, кои се вашата страст. Ги сакате вашите миленици повеќе од повеќето други луѓе, вашето домашно милениче го претставува вашето животинско царство и како сопственик сте повеќе склони да бидете активни и во природа што е можно почесто.
Класично име: Ако вашето домашно милениче се вика Макс, Бела, Астор, Џеки…, тоа покажува дека ги сакате удобноста и сигурноста, а кое име би било подобро од класично?
Име позајмено од поп-културата: Го нарековте вашето домашно милениче Марио, Тор, Немо, Фродо, Симба…, со овој избор сакате да ги покажете вашата релаксација и љубов кон популарните херои на филмови, стрипови, серии… Со избирањето на овие имиња укажувате дека сте сентиментален сопственик.
Име на храна: Го нарекувате вашето домашно милениче Кикиритки, Суши, Колаче, Јагода…? Дали знаевте дека од авион може да се види дека сте гурман и дека храната е една од најголемите љубови во вашиот живот, но и во животот на вашето домашно милениче? Ова покажува дека сакате добра храна, дружење со пријателите и уживате да го носите вашиот четириножен пријател во ресторан.
Оригинално име: Кога ќе им го кажете името на вашето домашно милениче на луѓето што ги познавате, па дури и на оние што не ве познаваат, дали тие бараат да го повторите? Ако на вашето куче или мачка му дадете оригинално име како Покат, Клемпа, Фето…, вие ги покажувате вашата креативност и пријателство. Кога ќе им го кажете на луѓето името на вашето домашно милениче, започнувате разговор и веќе им кажувате по нешто за вас.
