На светот, за жал, никогаш не му недостигаат хуманитарни кризи, а минатата 2021 година, се разбира, не беше исклучок. Според податоците на ООН, актуелната состојба во Јемен направи околу 24 милиони луѓе да имаат потреба од хуманитарна помош и заштита. Во Етиопија минатата година беше забележано најголема потреба од зголемувањето на хуманитарната помош, а изнесуваше дури 166 отсто повеќе од претходната година. Па, така, хуманитарна помош им била доделена на околу 21 милион луѓе во земјата, особено во регионот Тиграј, северна Етиопија.
Во исто време, состојбата во Авганистан исто така е загрижувачка за милиони луѓе. Според извештајот на УНХЦР, кризата со недостиг од храна во земјата што сега е под контрола на талибанците достигна „невидени нивоа“.
Се проценува дека над 8 милиони луѓе се изложени на ризик од глад. Се предвидува дека потребите за финансирање на хуманитарната помош на светско ниво за 2022 година ќе се искачат на неверојатни 37,4 милијарди американски долари.
