Пожар избувнал во авионот додека се движел по пистата на јапонскиот аеродром Ханеда во Токио, се вели во видеото што го објави јапонската телевизија „НХК“. Во авионот имало 367 патници и 12 членови на екипажот и сите биле евакуирани.
Breaking: A Japan Airlines plane caught fire on the runway at Haneda Airport in Tokyo. pic.twitter.com/zoIVQu63Fh
— PM Breaking News (@PMBreakingNews) January 2, 2024
На снимката се гледа експлозија на пистата на која се движел авионот. Се гледа и дека пожарникарите го гаснат пожарот додека пламенот исто така излегува од прозорецот на кабината на авионот.
Во авионот на „Јапан Ерлајнс“ имало 367 патници и 12 членови, соопшти авиокомпанијата. Патниците и дел од екипажот биле безбедно евакуирани, а потоа биле пронајдени пет членови на екипажот, но нивната состојба не е соопштена.
Засега нема извештаи за повредени.
Не е јасно дали пожарот бил предизвикан од експлозија на опремата за време на слетувањето или има некоја друга причина.
Како што потврдил портпаролот на аеродромот, превентивно е евакуиран целиот патнички терминал.
