Русија денеска прогласи за непожелни двајца чешки дипломати, а таа одлука всушност е одговор на Москва на одлуката на Прага, претходно овој месец да протера двајца руски дипломати.
Руското министерство за надворешни работи објави дека ја информирало амбасадата на Чешка дека дипломатите имаат рок до среда да ја напуштат Русија.
Односите меѓу Москва и Прага станаа напнати поради контроверзиите околу статусот на споменикот на советскиот маршал Коњев во Прага и промената на името на плоштадот во Прага, на кој се наоѓа руската амбасада во плоштад Борис Немцов, руски опозиционер кој е убиен во Москва.
Дополнителна причина за напнатоста се и информациите за Русинот, за кого се тврдеше дека стигнал во Прага, а се проценило дека тој претставува закана за тројца чешки политичари.
