Во Скопје се одржа семинар за Медитеранските игри (на плажа), на кој учествуваа 26 национални олимписки комитети, осум меѓународни спортски федерации и Интернационалниот комитет на Медитеранските игри (ИКМИ). Притоа генералниот секретар на ИКМИ, Јаковос Филипусис, му го додели највисокото признание „Трофеј на Медитеранските игри“ на претседателот на Македонскиот олимписки комитет (МОК), Даниел Димевски, за успешниот долгогодишен развој на медитеранското спортско движење, а посебни награди ИКМИ им додели и на спортскиот директор на МОК, Владимир Богоевски, и на Мирко Димчевски како освојувачи на медали на Медитеранските игри, информираат од МОК.
Посебен осврт и анализа беа дадени на Медитеранските игри на плажа во Хераклион лани, а беа претставени и плановите за идните Медитерански игри во Таранто во 2026 година, како и следните Игри на плажа во португалските градови Портимао и Лагоа во 2027 година. На крајот, следуваа заеднички заклучоци на националните олимписки комитети и меѓународните спортски федерации за идниот долгорочен развој на Медитеранските игри и медитеранското спортско движење. Од страна на МОК на Филипусис му беше доделено посебно признание за неговиот придонес и развојот на медитеранскиот спорт, како и за развојот на врвниот спорт во Македонија, велат од МОК. Г.И.
