Медицински совет
Научниците сметаат дека откриле како обликот на вашето тело може да влијае на вашето здравје. Ако, на пример, имате долго торзо за вашата висина, поголема е веројатноста да страдате од болки во грбот. Ако имате широки колкови, имате поголеми шанси да се борите со остеопорозата. И луѓето со особено долги бедрени коски се изложени на зголемен ризик од болки во колената, артритис и општи проблеми со колената.
Тоа го покажува новото истражување на Универзитетот во Тексас. Еухарист Кун, истражувач по биохемија и главен автор на трудот, вели дека овие нарушувања се развиваат од биомеханички стрес на зглобовите во текот на животот.
– Пропорциите на скелетот влијаат на сè, од тоа како одиме до тоа како седиме, и има смисла дека тие се фактори на ризик за овие нарушувања – додава тој.
Истражувачите ги проучувале податоците на „Биобанк“ за повеќе од 30.000 лица на возраст меѓу 40 и 80 години. Користејќи вештачка интелигенција, тие ги анализираа рендгенските снимки на целото тело и резултатите од генетското тестирање. Тие пронајдоа 145 региони поврзани со гени што го регулираат развојот на скелетот, од кои само неколку беа претходно познати.
Покрај тоа што долгото торзо е потенцијален показател за болки во грбот, широките колкови на остеопороза и долгите бедрени коски на артритис, тимот исто така откри дека тибијата, или долниот дел на ногата, е поврзана со проблеми со колената.
Исто така, имаше корелација помеѓу зглобот на коленото и остеоартритисот на колкот и коленото. Севкупно, сите скелетни пропорции биле многу наследни – помеѓу 30 и 50 проценти. Ова значи дека генетиката игра главна улога во тоа со кои здравствени проблеми може да се соочите.
