Во текот на вчерашниот ден, екипите на ЈП „Комунална хигиена“ – Скопје отстранија над 60 кубни метри отпад од обемна дива депонија лоцирана во скопската општина Чаир, во населбата Топаана, на раскрсницата меѓу булеварот Македонско-косовска бригада и улицата Џон Кенеди. При реализацијата на активностите беа ангажирани 10 работници на терен, со употреба на специјални комунални возила – подигнувач, багер и две патарки.
И покрај континуираните активности, ЈП „Комунална хигиена“ – Скопје информира дека во реонот на населбата Топаана речиси секојдневно се создаваат диви депонии како резултат на неправилното фрлање на отпадот на јавни и сообраќајни површини.
Во текот на првата половина на годината, екипите на претпријатието подигнаа приближно 6.000 кубни метри отпад од диви депонии на територијата на градот Скопје.
