До 13:00 часот, денеска, регистрирани се вкупно 11 пожари на отворен простор, од кои седум се активни, три се под контрола, а еден е изгаснат, соопшти Центарот за управување со кризи.
Активни пожари има во:
- Општина Сарај: село Копаница (ниска вегетација);
- Општините Гостивар и Македонски Брод: село Трново (Општина Гостивар) кон селата Битово, Заград и Страјане (Општина Македонски Брод) (нискостеблеста шума, ниска вегетација, пасишта и папрат);
- Општина Чашка: над село Нежилово, м.в. Сватови (ниска вегетација и единечни дрва);
- Општина Јегуновце: село Копанце (мешана шума);
- Општина Прилеп: над Касарната во Прилеп (дива депонија и ниска вегетација);
- Општина Прилеп: кај Старите гробишта во Прилеп (ниска вегетација);
- Општина Охрид: село Велмеј – село Брежани (ѓубре и ниска вегетација).
Под контрола се пожарите во:
- Општина Делчево каде гори депонија (ѓубре);
- Општините Студеничани и Зелениково: село Моране – село Вртекица – село Рамни Габер (Општина Студеничани) и кракот кон село Палиград, над село Вражале и село Тисовица (Општина Зелениково) каде е зафатена мешана шума;
- Општина Пласница: село Дворци каде гори депонија.
Изгаснат е пожарот во Општина Струмица: село Банско на дива депонија.
