Дирекцијата за заштита и спасување (ДЗС) попладнево испрати дополнителни сили за гаснење на големиот пожар над селото Копаница, во Општина Сарај.
Како поддршка на скопската Бригада за противпожарна заштита, во акцијата се вклучени два противпожарни авиони „Air Tractor“, кои интервенираат од воздух, како и две специјализирани теренски возила „Пинцгауер“, наменети за гаснење пожари на непристапен терен.
Од ДЗС информираат дека пожарникарите и нивните екипи координирано работат на локализирање на пожарот и спречување на неговото ширење кон околните населени места.
