Судија на претходна постапка, по предлог на Обвинителство, определи мерки за претпазливост на девет лица во однос на вчерашната акција на Основното јавно обвинителство за гонење организиран криминал и корупција (ОЈО ГОКК), а поврзана со вработени во Управата за јавни приходи (УЈП).
Од Основниот кривичен суд Скопје информираат дека во однос на вчерашната акција на ОЈО ГОКК до судот доставен е предлог за определување мерки за претпазливост против 10 лица, од кои девет се спроведени пред судија на претходна постапка, а по нивното произнесување, судијата го прифати предлогот и на сите им определи мерки во согласност со точките 2, 3, 6 и 7, односно одземање патна исправа, обврска за јавување во суд, забрана за комуникација со одредени лица и забрана за извршување одредени работни активности.
Од вчера попладне под раководство на јавен обвинител од ОЈО ГОКК, истражители од ОЈО ГОКК, со асистенција на полициски службеници од МВР, врешеа претреси на повеќе локации во државата.
Како што информираа вчера од ОЈО ГОКК, се обезбедуваат лица осомничени за злосторничко здружување, перење пари, даночна измама и даночно затајување од поголеми размери.
