Слатките се богати со шеќер и со калории и немаат висока нутритивна вредност, па често се препорачуваат нивни замени што всушност се полоши од слатките. Издвојуваме неколку намирници со кои се избегнува здебелување, како и многу системски болести.
Суво овошје: Ако можеби некогаш сте помислиле дека овошјето може да биде полошо од слатките, се лажете. Сувото овошје е полно со шеќер и има доста калории, иако не изгледа така.
Гранола: Кога помислувате на здрави житарки, веројатно гранолата прва ви паѓа на ум. Иако многу компании сакаат да размислувате за овој производ како за здрава алтернатива, многу видови гранола користат различни масла за врзување на житарките, кои потоа се засладуваат со шеќер. Покрај шеќерот, гранолата може да биде и полна со нездрави масти.
Енергетски плочки: Енергетските плочки најдоа посебно место кај луѓето што се грижат за здравјето, делумно благодарение на рекламните кампањи што прикажуваат слики со спортисти како ги консумираат. Иако многумина веруваат дека здравиот начин на живот и енергетските плочки одат рака под рака, оваа храна има негативна нутритивна основа.
Плочки од житарки: Житарките имаат лоша нутритивна репутација со добра причина – многу верзии од оваа основна намирница за појадок имаат многу шеќер. Промовирани како здрав појадок за движење, некои од водечките житарки го нашле својот пат во форма на индивидуално пакувани плочки. Иако маркетингот за овие плочки од житарки изгледа дека се доста здрави, тоа не е така.
