Често недостапен поради високите бранови, единствен меѓу хиндуистичките храмови на Бали – храмот „Танах лот“ од 16 век на вода преживеал сите овие векови на корален гребен. Самото име, што значи земја во морето, зборува за улогата на храмот, кој, според традицијата, го штити островот од зли духови.
Морските змии во пештерите на карпата под храмот, според истото верување, го штитат храмот, кој е посветен на боговите на морето и митската змија заштитник на островот Бали од инвазијата на злите сили. Како што велат свештениците, џиновската змија „дошла од појасот на Нирарта, основачот на островот, свиткувајќи се во свет прстен околу островот“. Во бели облеки, тие попрскуваат света вода врз главите на верниците, кажувајќи молитви за душите на живите и за оние што ќе се „вратат“ на овој свет преку реинкарнација, во која се верува на Бали.
Храмовите по должината на западниот брег на островот се изградени високо на карпи, така што едниот гледа во другиот, за да можат Балинежаните да се предупредат едни со други за непријателите и опасностите од немирното море.
Исклучително е тешко да се фотографира храмот во брановите и густата вегетација, иако благодарение на моменталната ниска плима може да се приближите. Само на жителите на Бали им е дозволено да влезат во мистериозниот скриен храм на карпата, додека другите можат само да го гледаат ритуалот или да ја допрат морската змија во пештерата, за што се плаќа.
