Погребот на починатите во пожарот во Кочани ќе се одржи утре. Погребните церемонии ќе бидат во 11 часот во Штип, во 12 часот во Кочани и во 13 часот во Облешево. Останатите погреби ќе се одржат исто така во текот на утрешниот ден во различни временски периоди.
– Свештениците од локалните цркви ќе ги контактираат сите ужалени семејства со детали околу погребот – информираат од Центарот за управување со кризи.
Оттаму ги замолуваат сите граѓани на разумно постапување и достоинствено испраќање на жртвите во трагедијата во Кочани.
Во пожарот што се случи во неделата рано сабајле загинаа 59 лица, а над 150 се повредени.
