Во тек е евакуација во околината на Ајфеловата кула во Париз, откако избувна пожар на иконскиот споменик во француската престолнина, јавуваат француските медиуми.
Службите за итна помош се на терен, а како што јавува Мирор, луѓето се евакуираат.
Засега нема извештаи за евентуално повредени лица.
Туристичката атракција е затворена додека не се изгасне пожарот, пренесоа француските медиуми.
Пожарникарите се обидуваат да го изгаснат пламенот додека туристите се одведуваат подалеку од Ајфеловата кула. Тие рекоа дека се борат да стигнат до изворот на пожарот, кој наводно започнал во окното на лифтот помеѓу првиот и вториот кат на кулата.
„Во моментов гори пожар кај Ајфеловата кула. Споменикот штотуку е евакуиран. Тимот за одговор при итни случаи утврди периметар, но пожарникарите не можат да пристапат до пламените јазици“, изјави еден корисник на X.
„Пожарот е во тек кај Ајфеловата кула. Забележани се пламени јазици во окното на лифтот меѓу први и втори кат. Сите луѓе во близина се евакуирани. Пожарникарите се уште работат“, изјави друг корисник.
