Нега и убавина
Секогаш можете да купите скапи производи од познати производители или да платите третмани во салоните што ви гарантираат да го запрете опаѓањето на косата, а резултатите сепак ќе ве разочараат. Пред да одлучите да ги потрошите тешко заработените пари, испробајте ги овие пет природни начини што можат да го запрат опаѓањето на косата, па дури и да го зајакнат.
Третмани со топло масло: Загрејте некое од природните масла, кокосово или маслиново, додека не станат топли, но не и врели. Нежно масирајте во скалпот. Потоа ставете капа за туширање на косата и оставете ја околу еден час, а потоа измијте ја косата со шампон.
Природни сокови: Можете да го истриете скалпот со сок од лук, кромид или ѓумбир. Оставете да дејствува прекуноќ, а потоа измијте ја косата наутро.
Масирање на скалпот: Масирањето на скалпот неколку минути секој ден помага да се стимулира циркулацијата. Добрата циркулација на скалпот ги одржува фоликулите активни.
Антиоксиданси: Нанесете топол зелен чај (две ќесички во една чаша) на скалпот и оставете да дејствува околу еден час, а потоа исплакнете ја косата. Зелениот чај содржи антиоксиданси што го спречуваат опаѓањето на косата и го поттикнуваат растот на косата.
Медитација и релаксација: Верувале или не, најчеста причина за опаѓање на косата се напнатоста и стресот. Медитацијата може да помогне да се намали опаѓањето на косата и да се врати хормоналната рамнотежа.
