Претседателски избори во Турција
На претседателските избори одржани во неделата во Турција, за актуелниот шеф на државата Реџеп Таип Ердоган гласале 49,34 отсто од гласачите, покажуваат податоците од обработените 99,9 отсто од гласачките ливчиња, додека за неговиот главен ривал Кемал Килчдароглу, кандидат на опозициската Национална алијанса, гласале 44,99 отсто од гласачите. Разликата меѓу ривалите е нешто под 4,5 проценти.
Третиот кандидат на Алијансата АТА, Синан Оган, доби поддршка од 5,23 отсто од гласачите. За да победи во првиот круг, кандидатот мора да добие 50 отсто плус еден глас. Вториот круг од претседателските избори треба да се одржи на 28 мај.
