Москва утринава соопшти дека борбен авион непланирано испуштил муниција над рускиот град Белгород и дека во експлозијата се повредени две лица.
-За време на летот на авионот Су-34 на Военото воздухопловство над градот Белгород дошло до неочекувано испуштање на муниција – соопшти Министерството за одбрана на Русија.
Властите на Белгород, недалеку од украинската граница, синоќа пријавиле силна експлозија по која се создал кратер.
Руски воени авиони редовно летаат над Белгород од почетокот на офанзивата на Москва против Украина во февруари 2022 година.
