Урамнотежената исхрана во денешно време значи дека кога сте опкружени со лоша храна, треба да го максимизирате она што е добро ако сакате да го подобрите вашето здравје и да изгубите тежина. Некои од најдобрите намирници за вашето здравје веројатно се веќе во вашиот фрижидер.
Кокосово масло
Една студија од „Американ џрнал оф клиникал нутришн“ покажа дека испитаниците што јаделе кокосово масло ги изгубиле вкупната тежина и мастите на стомакот побрзо од групата што консумирала исто количество маслиново масло. Тајната е во кокосовите триглицериди со среден синџир. За разлика од масните киселини во повеќето масла, кокосовото масло веднаш се разградува за употреба, не се складира, а откриено е и дека го забрзува метаболизмот, пишува „Ит дис“.
Семиња
Една од карактеристиките на урамнотежената исхрана е добриот сооднос на омега-6 масни киселини со омега-3. Соодносот од 4:1 би бил идеален, но модерната исхрана е повеќе како 20:1. Тоа доведува до воспаление, што може да доведе до зголемување на телесната тежина. Чиа-семето и ленот се меѓу најконцентрираните извори на омега-3 во прехранбениот свет.
Студиите на животни сугерираат дека исхраната богата со чиа може да го намали штетниот холестерол ЛДЛ и да го заштити срцето, а една неодамнешна студија во списанието „Хајпертеншн“ покажа дека секојдневното консумирање печива збогатени со семе од лен го намалува крвниот притисок кај пациенти со заболување на периферните артерии. Најдобро се апсорбира кога ленот се меле и се додава во житарки, кашести сокови и печива.
Јајца
Јајцата се најдобриот извор на витамин Б холин, суштинска хранлива материја што се користи во изградбата на сите клеточни мембрани во телото. Недостигот од холин е директно поврзан со гените што предизвикуваат акумулација на маснотии на стомакот. Јајцата можат да го решат проблемот.
Јаболка
Една неодамнешна студија во медицинскиот центар „Вејп форест баптист“ покажа дека на секои 10 грама зголемување на растворливите влакна внесени дневно, висцералните маснотии (тоа се опасни масти на стомакот) се намалуваат за 3,7 проценти во текот на пет години. Учесниците што ја поврзаа својата дневна навика за јаболка со 30 минути вежбање од два до четири пати неделно забележаа намалување од 7,4 отсто во акумулацијата на висцералните масти во истиот временски период. Меѓутоа, немојте да го лупите јаболкото ако сакате да ослабите. Студијата спроведена на Универзитетот во Западна Австралија покажа дека црвените сорти имаат највисоки нивоа антиоксидантни феноли, од кои повеќето се наоѓаат во лушпата.
Цимет
Според истражувачите, циметот содржи моќни антиоксиданти, наречени полифеноли, за кои е докажано дека ја подобруваат чувствителноста на инсулин или дури и способноста на нашето тело да складира масти и да управува со знаците за глад. Серија студии објавени во „Американ џрнал оф клиникал нутришн“ покажаа дека додавањето лажиче цимет во скробен оброк може да помогне да се стабилизира шеќерот во крвта и да се спречат скоковите на инсулинот.
Зелена салата
Во една нова студија од универзитетот „Вилијам Патерсон“, која спореди 47 врвни намирници според содржината на хранливи материи, модерната храна се најде на угледното, но незабележително 15-то место на листата. Највисоко се рангирани: поточарка, спанаќ, зелје и ендивија. Според друга студија на универзитетот „Пердју“, само три грама мононезаситени масти може да му помогнат на телото да ги апсорбира растителните каротиноиди (оние магични молекули што ве штитат од хронични болести како рак и заболувања на срцето).
