Ангел Димитров, шеф на бугарскиот тим од заедничката исторсика комисија со Македонија вели дека некои од членовите на комисијата од Македонија биле подложени на закани и притисоци кога нешто менуваат во својата позиција.
-Јасно можев да ја видам загриженоста на дел од колегите – изјави Димитров за БНТ.
Тој вели дека во Македонија немало подготвеност за промена на учебниците иако тоа можело да се случи веднаш. Димитров смета дека барањето на ВМРО-ДПМНЕ за референдум за отфрлање на Договорот за добрососедство со Бугарија многу влијаело на последниот состанок на мешовитата комисија.
Димитров за БНТ вели дека ова јасно сугерира што се случува во Македонија.
-Студијата на Конрад Аденауер дава податоци за ставовите на луѓето. Според нив, најголем непријател на нивната земја е Бугарија – на вакво мислење биле 44 отсто. Нивниот најголем пријател е Србија – така мислат 37,4%. Над 65 отсто се поддржувачи на идејата за отворен Балкан, идеја што ја лансираше Србија за рудник или повторно Југославија. Највисоко оценет претседател е Борис Трајковски, кој трагично загина под сомнителни околности во авионска несреќа. Парадоксот е што Трајковски бил добар пријател на Бугарија – вели Димитров.
Тој вели дека луѓето во Македонија тврдат дека имаат длабоки историски корени, размислуваат дури по 1944 година.
-Немаат сознанија за тоа што се случувало ни во првата половина на минатиот век, кога населението таму беше прогласено за српско, и кога имаше терористички режим, кога имаше големо насилство и постојани репресии. Тоа изгледа воопшто не ги интересира. Ги знаат само пропагандите и манипулациите по 1944 година. За жал оваа пропаганда е антибугарска – истакна Димитров.
Тој вели дека веќе трета година делото за Гоце Делчев е постојано актуелно, но никако да дојдат до него, дека не се разговара за тоа.
Забелешките за бугарските учебници од македонска страна биле општи и не допирале важни работи во толкувањето и биле пуста желба, смета Димитров и додава дека македонската страна треба да направи сериозни измени во нивните учебници.
-Ова треба да се направи веднаш. Учебниците може да се дополнат и без да се печатат нови – коментира Димитров и нагласува дека оваа политичка тензија во Скопје е на тема бугаризација.
