Ковачевски рече дека не гледа проблем со вклучување на Бугарите во РСМ нивниот Устав. Не се обврза со време. Веќе не зборуваме за пет плус еден, туку за четири плус еден. Тоа само по себе е напредок. Ковачевски рече дека Бугарите ќе влезат во Уставот како Албанците, рече Петков
Димитар Ковачевски е премиер околу една недела и четири од тие осум дена помина со бугарската влада. Ова ја покажува желбата да се заврши работата, изјави премиерот на Бугарија, Кирил Петков одговарајќи на прашања од пратеници за последиците од двете средби со македонскиот премиер, пишува новинската агенција БГНЕС.
-Министрите кои дојдоа во Бугарија беа во огромен број и постигнавме голем напредок во повеќето области. Потпишавме три меморандуми, кои беа во многу клучни области, вклучувајќи го и Коридорот 8 кој испадна од листата на европски проекти, но ако сакаме да го вклучиме тоа ќе се случи со заедничка работа – рече Петков.
Тој рече дека додека траеле разговорите за економијата и инфраструктурата, двете страни разговарале и за теми кои се важни за Бугарија – правата на Бугарите во Македонија и рамковната позиција.
-Ковачевски рече дека не гледа проблем со вклучување на Бугарите во РСМ во нивниот Устав. Не се обврза со време. Веќе не зборуваме за пет плус еден, туку за четири плус еден. Тоа само по себе е напредок. Ковачевски рече дека Бугарите ќе влезат во Уставот како Албанците. Во моментов разговараме за рокот и ова е дел од дискусиите. Тоа ќе биде факт и Бугарите во РСМ ќе имаат еднакви права – рече Петков, а пренесува БГНЕС.
Според него, има многу декларации од двете страни, но вистинската работа не е завршена.
-Организиравме календар за состаноци на секои седум дена. Ме радува што дури и историската комисија потврди дека ќе имаат три средби во наредните месеци. Немам намера да менувам ниту еден член на Историската комисија. Мислам дека направивме добра работа овие две недели – рече Петков.
Петков вели дека Историската комисија веќе има подготвени текстови.
-Решивме да видиме кои се точките и аргументите кои историската комисија веќе ги договори. Навистина ве уверувам дека таму нема да ги менуваме луѓето, бидејќи мислам дека добро си ја вршат работата. Има напредок во Историската комисија, ќе го искористиме и ќе го официјализираме – рече Петков.
-За 4 февруари подготвуваме заедничка прослава со РС Македонија за Гоце Делчев по повод 150-годишнината од неговото раѓање – додаде бугарскиот премиер.
Нашите партнери, рече Петков, не не разбираат кога се работи за билатерално прашање.
-Поради оваа причина, Бугарија одлучи да се потпре на разбирливи принципи како што се дискриминација на македонските граѓани со бугарски идентитет и говор на омраза кон Бугарија. Видовме дека кога станува збор за ова, Европејците почнуваат да не разбираат. Сакаме овие заеднички принципи да ги почитуваат сите, вклучително и земјите кои сакаат да станат членки на унијата. Да ја отстраниме дискриминацијата како европски принцип кон Бугарите кои се во РСМ – рече премиерот Петков.
Петков се фокусира на економските врски како долгорочен гарант за добрососедство.
-Ако ја изградиме железничката линија, ако навистина функционираат нашите бизниси, нивната соработка ќе биде многу подолга од политичките циклуси. Најдоброто нешто за Бугарија е да има добрососедство, да има отворени граници, РС Македонија да биде демократска земја, да се ослободи од корупцијата и да има пристап до фондовите на ЕУ и Бугарите да бидат заштитени таму. Ова е долгорочната стратегија за која се бориме, но се согласувам – тоа не треба да се прави со игнорирање на бугарските интереси – рече бугарскиот премиер.
