Легендарниот пејач од Хрватска Мишо Ковач е позитивен на коронавирус, објавија локалните медиуми. Позитивни на вирусот се и неговата сопруга Лидија и ќерката Ивана.
Пред неколку недели Ковач бил хоспитализиран во болница во Сплит поради воспаление на белите дробови и висока температура. По завршеното лекување, тој бил пуштен дома.
Но, здравствената состојба нагло му се влошила. Пред неколку дена бил пренесен во болница, каде добил кислородна поддршка. „Слободна Далмација“ од извори блиски до пејачот дознава дека Ковач вчера бил пуштен на домашна нега.
Ковач моментно е со сопругата и ќерката во изнајмена куќа во Строжанац, недалеку од Сплит.
