СПОРЕД ТВРДЕЊАТА НА УРЕДНИКОТ НА АВСТРИСКИОТ МАГАЗИН „ФАЛТЕР“
Осомничениот за учество во вчерашните терористички напади во Виена, кого полицијата го застрела, бил 20-годишник роден во австрискиот главен град за кого тамошните разузнавачки служби имале сознанија, според тврдењата на уредникот на магазинот „Фалтер“ Флоријан Кленк.
– Истражив неколку детали за терористот. Неговото име е Куртин С., имал 20 години, бил роден и израснал во Виена и има албански корени. Неговите родители доаѓаат од Северна Македонија и не се осомничени кога станува збор за исламизмот – напишал Кленк на Твитер.
Австрискиот новинар тврди дека австриските разузнавачки служби го следеле осомничениот бидејќи тој бил еден од 90-те австриски исламисти кои сакале да отпатуваат во Сирија. Но бил спречен во неговата намера во јули. Згора, Кленк додава оти полицијата не верувала дека тој планирал терористички напад во Виена.
1/2 Ich habe nun ein paar Details zum Terroristen recherchiert. Er heisst Kurtin S., geboren 2000, wurde 20 Jahre alt und ist in Wien geboren und aufgewachsen und hat albanische Wurzeln. Seine Eltern stammen aus Nordmazedonien und sind in Sachen Islamismus unauffällig.
— Florian Klenk (@florianklenk) November 3, 2020
Нападите беа изведени синоќа на шест локации во близина на синагога во центарот на Виена и во нив имаше најмалку четири жртви и 15 повредени лица. Австриските власти соопштија дека убиениот осомничен бил приврзаник на Исламската држава.
