На локалниот пат меѓу селата Гороно Коњари и Четирце вчера (19 април) во попладнвните часови, додека на сила беше целодневен полициски час, во незгода со мотоцикл повредени се 43-годишен кумановец и неговиот 17-годишен сопатник.
Како што информираат од МВР, управувајќи мотоцикл „jамаха“, 43-годишникот од кумановско Четирце изгубил контрола над мотоциклот, по што паднал на коловозот.
Тој се здобил со тешки телесни повреди, а со повреди се здобил и 17-годишниот сопатник, по што биле пренесени во Општата болница Куманово за укажување на лекарска помош.
На местото на настанот извршен бил увид од екипа од СВР Куманово.
