Празничниот дух е насекаде околу вас и ќе го почувствувате во вашиот дом, низ градот, на работното место низ трговските центри, насекаде. Иако сите ги украсуваат своите домови со традиционални божиќни украси, како што се ламбички и венци, треба да ставите и некој нов украс.
Една од работите што можете да ги додадете за време на празниците се перници со божиќен дезен. Затоа при украсувањето на домот потрудете се да додадете барем една или две перници со новогодишни и божиќни мотиви.
Без разлика дали ви доаѓаат гости на празнична забава или сакате да го поттикнете празничното расположение и да ја украсите куќата за вашето семејство, новогодишното украсување што вклучува традиционални украси е задолжително секоја година.
Идеи за совршено украсена елка или влезна врата можете да најдете на секој чекор, но едни од најголемите површини во домот што копнеат по украси се вашите ѕидови.
Од венци исполнети со бобинки, панделки и светликави ленти, до впечатливи украси, декорирањето на вашите ѕидови претставува едноставен начин преку кој ќе го прикажете празничниот дух.
Љубителите на традиционалниот празничен декор најчесто на ѕидот ставаат новогодишни натписи како што е оној на кој пишува „Merry Christmas“.
Без разлика дали станува збор за дневната соба или за влезната врата, вашиот ентериер може да има корист од ѕидот обложен со венци исполнети со бобинки.
Како и секојдневните старовремски украси, така и празничните старовремски украси даваат посебен шарм. Потрудете се да најдете старовремска скала, која можете да ја украсите со ламбички или со традиционални божиќни украси или, пак, побарајте некоја стара санка што ќе ја претворите во нова полица.
Додајте му празничен дух на празниот ѕид така што ќе обесите трио стилски новогодишни чорапи.
Сите сакаат да имаат вистинска новогодишна елка, но ако живеете во мал простор, тоа веројатно не е најпрактичната опција. Наместо тоа, размислете за осветлена елка направена од светилки, која лесно може да се направи на ѕидот во дневната соба.
За попријатна празнична атмосфера, секој ден палете свеќа со масло од мандарина, портокал, лимон или цимет.
